إبداعات
د. عبدالباسط سعيد الغرابي
المرجع : مجلة حضرموت الثقافية .. العدد 2 .. ص 137
رابط العدد 2 : اضغط هنا
أحبك لا ولا غيرك أحب ومن ينكر محبينه وأحبابه
علي في اللوح حبك انكتب ومن يمحي من الألواح لكتابه
رضينا بالقضاء واللي لنا مكتوب
يقولوا لي يقولونه أنا ما با قنع منه ولا باتوب
****
نزف جرحي على خلي وصب ودمع العين فوق الخد صبابه
إذا ما زارنا طيفه وهب لقى تأثير في خاطري ومهابه
ملك لبي وقلبي في يديه منهوب
يقولوا لي يقولونه أنا ما با قنع منه ولا باتوب
****
وذكره في لسـاني ما يغب ولا بقدر على هجره ولا غيابه
متى من نخب حبه باشرب يدفينا ويسقينا من أشرابه
ونتبادل كؤوس الحب والمشروب
يقولوا لي يقولونه أنا ما با قنع منه ولا باتوب
****
إذا ذقنا من الحب التعب تنسينا عيونه كل أتعابه
ومن عطفه عليا والأدب تعلمنا فنون الحب وآدابه
يقولوا الحب بلوى بس ما هو دوب
يقولوا لي يقولونه أنا ما با قنع منه ولا باتوب